Baby Pelayo (1): The Parent's Side - Video ni Dr Willie Ong

Baby Pelayo (1) : The Parent's Side

Private Hospitals at Emergency Cases:
Kailangan Mabago ang Sistema

Interview ni Dr Willie Ong sa Pamilya Pelayo (#92)

Pinuntahan namin at tinulungan ang Pamilya Pelayo na nagluluksa ngayon dahil sa pagkamatay ng kanilang baby noong February 19, 2016.

Dahil sa maraming kumakalat na maling impormasyon sa internet, gusto nilang maituwid ang kuwento at mailabas ang saloobin nila.

(Wala silang hawak na FB account sa ngayon. Isang post at photo ng baby lang ang tunay na galing kay Andrew Pelayo. Ang ibang posts ay HINDI nanggaling sa kanya.)

Alamin ang tunay na kuwento ni Andrew (Anjo) Pelayo at Siarra.

Para kay Siarra, ang HILING lang niya ay HUWAG sana na mangyari sa iba ang pinagdaanan nila.

Nilinaw ni Andrew at Siarra na nagpapasalamat sila sa mga doktor sa East Avenue Medical Center na nagsalba sa buhay ni Siarra.
Marami ring doktor ang gumamot kay Siarra sa una niyang pagbubuntis at maayos ang pakikitungo ng mga doktor sa kanya.

Nagka-problema lang sila noong madaling araw (3 AM) nang pumunta sila sa isang private hospital.

Mabait at simpleng tao lamang sina Andrew at Siarra. Kahit mahirap sila ay wala silang hinihinging pera. May PhilHealth sila at may regular check-up si Siarra.

Sabi nila Andrew at Siarra, kami pa lang ang unang dumalaw at tumulong sa kanila. Nabasa ko ang records ni Siarra sa mga ospital.

Agree ako kay Siarra. Sana MABAGO na ang SISTEMA sa kalusugan ng bayan natin.
1. Ang Private hospitals ay dapat tumanggap ng emergency cases.
2. Ang Government hospitals ay sana kumpleto sa kagamitan, tulad ng incubator.

Sana ay pagtuunan ng pansin ng ating gobyerno ang mahihirap at maysakit.
Para may saysay ang maikling buhay ni Baby Pelayo.

God bless po at sana maka-move on na tayo.
Marami pang mahihirap na kailangan nating tulungan.

- Dr Willie Ong at Dr Liza Ong

PANOORIN ang VIDEO:
https://www.youtube.com/watch?v=eVpNaNZ8GqY