Iwas sa Virus na n-CoV 2019 - Payo ni Doc Willie Ong #852

Iwas sa n-CoV 2019 (Paki-share po)
Bakit may Namamatay sa n-CoV virus?
2 Paraan para malabanan ito

Payo ni Doc Willie Ong at Doc Liza Ramoso-Ong

1. Iwas Mahawa sa Sakit.
2. Palakasin ang Katawan para hindi tamaan ng sakit.
3. Alamin ang healthy lifestyle tips. Iwas sigarilyo at alak. Kumain ng maraming gulay at prutas. Iwas sa mamantika at junk foods. Hugas kamay palagi. At kung tatamaan ng sakit, makaka-survive tayo sa sakit.

Ang mga sintomas ng Corona-virus ay ang lagnat, ubo na may plema, hirap sa paghinga, at pulmonya. Puwede din magkaroon ng kidney failure.
Kung ang isang tao ay mayroong sintomas nito at nanggaling siya sa isang lugar na may Coronavirus, kailangan siyang pumunta sa isang malaking ospital para masuri. Matindi at seryoso ang sakit na ito.

Tips Sa Inuubo At Maysakit:
1. Gumamit ng tissue o panyo kapag uubo o babahing. Pagkagamit ng tissue ay itapon ito sa basurahan.
2. Huwag umubo sa harap ng ibang tao. Lumayo ng 4 feet sa taong inuubo.
3. Huwag umubo sa iyong kamay dahil mas madali mong maililipat ang mikrobyo sa ibang tao. Puwede din gumamit ng alcohol.
4. Huwag dumura ng plema kung saan-saan sulok. Dumura sa lababo o kubeta at hugasan ito ng tubig.
5. Kung kayo ay may sakit at inuubo, huwag munang pumasok sa trabaho o paaralan para hindi makahawa ng iba. Puwede din magsuot ng face mask.
6. Kapag masama na ang pakiramdaman, magtungo sa ospital para masuri.

Alamin ang Paliwanag:
https://youtu.be/lTCyTHdyJPI