A1 Report - Kupa: S'jam babagjyshi i TEG me arme doja te qelloja greket
TIRANE- Ilir Kupa deklaron se nuk ka lidhje me grabitjen e argjendarisë në TEG. I revoltuar prapa hekurave të gjykatës Kupa kërkoi të sqaronte për median se nuk kishte kryer asnjë krim në Shqipëri, madje dhe dy armët që iu sekuestruan në momentin e arrestimit nuk do i përdorte për policinë shqiptare por atë greke, e cila thotë i kanë vrarë 3 shokët e tij pas shpine.<br /><br />Ndryshe nga deklaratat në polici, Kupa mohon të ketë lidhje me grabitjen në TEG dhe deklaron se nuk ka konsumuar asnjë vepër penale në Shqipëri, përveç armëmbajtjes.<br /><br />"Nuk kam lidhje me grabitjen e argjendarisë në TEG. Këtu nuk kam kryer asnjë vepër penale.Këtu kam vetëm akuzën e mbajtjes pa leje të dy armëve", tha Ilir Kupa paraditen e sotme në sallën e gjyqit, paraditen e sotme ku doli për vlerësimin e masës së arrestit.<br /><br />Edhe avokati i Kupës, Lazër Sokoli thotë se nuk ka kryer asnjë krim në Shqipëri. <br />"Ilir Kupa është person jo me rrezikshmëri të lartë në Shqipëri. Ai akuzohet vetëm për armëmbajtje pa leje," tha ai.<br /><br />ARMET I DOJA PER POLICET GREKE<br />I arratisuri nga burgu i Trikallasë në mars të 2013 u arrestua të shtunën me dy pistoleta dhe mes të shtënave nga policia e Tiranës.<br /><br />Për dy armët e sekuestruara Kupa deklaroi se nuk do i përdorte ndaj policëve në Shqipëri, por ndaj oficerëve të Interpol Athinës, pasi autoritet e atjeshme i kishin vrarë 3 shokë pas shpine.<br /><br />Te njëjtën pretendim ka mbrojtur dhe avokati i Ilir Kupës kur për gazetarët tha "armët i ka mbajtur për t'u mbrojtur nga policia greke. "Shteti shqiptar të hetojë për vrasjet e shokëve të Kupës", tha avokati Lazër Sokoli<br /><br /><br /><br />GJYKATA: ARREST ME BURG ILIR KUPES<br />Ai i kërkon shtetit shqiptar të mos e ekstradojë drejt Greqisë. Ndërkohë avokati deklaroi se "nuk ka kërkesë për ekstradimin e Kupës në Greqi" dhe se masa e arrestit me burg është bërë vetëm për dy armët pa leje.<br /><br />Pasi dëgjoi pretendimet e avokatit mbrojtës dhe prokurorisë, Gjykata e Tiranës dha masën e arestit.
