Report TV - “E doja Natashën”, gjykata lë në burg burrin që vrau gruan

I braktisur nga familjarët dhe i përlotur Tajar Kazanxhi nga Plugu i Lushnjes doli këtë të hënë para gjykatës së krimeve të rënda.<br /><br />Ai akuzohet për vrasjen e bashkëshortes së tij Natasha Kazanxhi tre ditë më parë në banesë duke e qëlluar me sqepar në kokë.<br /><br />Ai pranoi krimin para gjykatës duke shprehur pendesë, ndërsa deklaroi se gjithçka nisi pas një debate për lënien trashëgimi të banesës së Tajarit djalit të Natashës.<br /><br />Kazanxhi shpjegoi se me Natashën ai ishte martuar 1 vit më parë pasi bashkëshortja e tij kish ndërruar jetë dhe në të dy martesat ai nuk kishte fëmijë.<br /><br />Ndërkohë avokatja Megi Zonja u shpreh se do të apelojnë vendimin, pasi kërkojnë që ai të shtrohet në spital për tu kuruar.<br /><br />Krimi në familja u shënua tre ditë më parë në Plug të Lushnjes teksa çifti i bashkëshortëve Kazanxhi ndodhej në banesën e vajzës së Natashës duke kryer disa punime, por në debat e sipër Tajari e goditi gruan me sqepar në kokë.