Report TV - Vlorë,autori i vrasjes së 3-fishtë: Jam penduar, kam qenë i vogël

Autori i vrasjes së 3-fishtë në Vlorë në 2013, që u arrestua sot, Delin Hajdaraj pas marrjes në pyetje nga grupi hetimor ka deklaruar se është penduar për vrasjet që ka kryer duke e justifikuar me moshën e vogël.<br /> <br />"Nuk e mora armën me qëllimin që të vrisja ndonjë. Doja vetëm të trembja ata çunat që më ngacmuan motrën.<br /> <br />Kur qëllova me breshëri, mendova se po qëlloja në ajër dhe j0 në drejtim të ndonjë personi.<br /> <br />Pasi kam qëlluar jam larguar me shpejtësi. Nga televizioni e mora vesh që kisha vrarë 3 vetë.<br /> <br />Armën që kam qëlluar në 2013 e kam marrë nga ca shokë, por nuk mundem të tregoj emrat e tyre. Jam penduar, u kërkoj falje familjarëve të atyre që vdiqën" u shpreh ai para hetuesve.<br /> <br />Delin Hajdaraj ka deklaruar se ka qëndruar në Vlorë pas vrasjes, ndërsa për të siguruar jetesën e ndihmonte vëllai në Bruksel dhe e dashura nga Spanja, që i dërgonin para.<br /> <br />"Këto katër vite kam jetuar në Vlorë i strehuar në tre banesa me qira. Dilja shumë pak jashtë shtëpisë gjatë ditës dhe në ato momente maskohesha.