Integrimi/ Kryenegociatori me BE-në: Do të takoj Metën dhe dëgjoj Bashën! Rama: Gati të ulem Metën

?Detyra si kryenegociator është një detyrë e përgjegjësi e madhe për mua. Detyra që kemi përpara është e vështirë dhe komplekse. Në Ministrinë e Jashtme ka një bërthamë të disa diplomatëve, të cilët janë aty akoma, edhe pse qeveritë kanë ndryshuar. Doja të falënderoj kryeministrin për detyrën e ngarkuar. Do të funksionoj si avokati më i mirë i Shqipërisë, do të kem raporte shumë të mira me BE. Duhet të gjejmë rrugët për të plotësuar kushtet për integrim. Do funksionoj si avokati më i mirë për vendin tim. Rrugë e gjatë me sfida, ndoshta do të kemi edhe pengesa, por motoja duhet të jetë "jo kjo gjë nuk bëhet, por të gjejmë rrugë për ta zgjidhur, Prandaj ka shumë rëndësi ekipi", tha Zef Mazi.