Report TV - Deputeti PS, kap mat kandidaten për kryeprokurore

Në përballjen e saj me deputetët e Komisionit të Ligjeve, ku ndodhen vetëm ligjvënësit e mazhorancës, kandidatja për kryeprokurore, Arta Marku, u pyet në lidhje me një artikull që po qarkullon në disa media online për një kallëzim penal ndaj saj.<br /><br />Pyetja erdhi pasi vetë Marku, gjatë prezantimit të platformës së saj për këtë post, deklaroi se nuk ka pasur asnjëherë asnjë procedim penal apo problem me drejtësinë. Një i pranishëm në Komision i tha kandidates se referuar artikullit në google, ajo rezulton e proceduar.<br /><br />Në kundërpërgjigje, Marku i ka kërkuar ligjvënësit të bëjë një kërkim më të thellë, duke e siguruar se ndaj saj nuk ka as procedim penal, as disiplinor, dhe se ajo çështje ka marrë zgjidhje ligjore.<br />Pyetje: Pashë një artikull në google se facebook nuk kam, në gjykatën prokurorinë Arben Tom Doja, ka qenë në një procedim penal ku është mbajtur në mënyrë të padrejtë, për 2 muaj e 13 ditë, ka pasur edhe një kallëzim penal në ngarkimin tuaj.