Burg për vjehrrin vrasës, Noc Tota: Doja vetëm ta trembja nusen e djalit

Ky është Noc Tota, i cili dy ditë më parë vrau nusen e djalit të tij në fshatin Zhejë të Kurbinit. 76 - vjeçari ka dalë para gjykatës, ku është njohur me masën e sigurisë, arrest me burg.<br /><br />Tota i ka thënë gjykatës së shkak i krimit ishin konfliktet e vazhdueshme që ai kishte me Vera Totën. Sipas tij, ai nuk ka dashur ta vrasë, por ta trembë.<br /><br />Noc Tota, të mërkurën qëlloi me levë pas koke disa herë nusen 42 - vjeçare, Vera Totën, duke e lënë të vdekur në vend. Ngjarja ndodhi në oborrin e banesës së familjes. <br /><br />Trupi i pajetë i viktimës u gjet nga bashkëshorti, Arben Tota, i cili sapo ishte kthyer nga puna. Nga kqyrja e trupit të gruas është vënë re se është goditur në kokë nga sende të forta, gjë e cila i ka sjellë vdekjen.<br /><br />Pas ngjarjes, Noc Tota u largua nga banesa, por më pas u dorëzua në polici, ku dhe pranoi autorësinë e krimit.<br /><br />Tv Klan